கடந்த ஜனவரி மாதம் அரசு அறிவித்ததன் படி, பரிசில் 65 வயதுக்கு மேற்பட்ட முதியோர்களுக்கு இலவச நவிகோ மாதாந்த பயண அட்டை இன்றுமுதல் வழங்கப்பட உள்ளது.
Pass Paris Seniors என அழைக்கப்படும் இந்த இலவச பயண அட்டை, முதியோர்களை பொது போக்குவரத்துக்களில் பயணிக்க வைக்க தூண்டும் விதத்தில் அமையும் என தெரிவிக்கப்பட்டு, ஜடந்த ஜனவரி மாதம் அறிவிக்கப்பட்டிருந்தது. இந்த இலவச அட்டையானது, கடந்த மூன்று வருடங்களாக பரிசில் வசிப்பவர்களுக்கு மாத்திரமே வழங்கப்படும். தவிர, Pass Paris Access என அழைக்கப்படும் நவிகோ அட்டையானது, உடல் ஊனமுற்றோர்களுக்காகவும் இலவசமாக இன்று முதல் வழங்கப்பட உள்ளது.
மேலும் சில விதிமுறைகளையும் இந்த திட்டம் உள்ளடக்கியுள்ளது. மாதாந்த வருமானமாக 2,430 யூரோக்களுக்கும் கீழ் பெறுபவர்கள் மாத்திரமே இந்த சேவையினால் பயனடைய முடியும் எனவும் தெரிவிக்கப்பட்டுள்ளது. இந்த நிபந்தனைகளுக்கு உட்பட்டவர்களுக்கு முற்று முழுதாக மாதா மாதம் நவிகோ அட்டையினை இலவசமாக பெற்றுக்கொள்ளலாம் என அறிவிக்கப்பட்டுள்ளது.
