நடிகர் வெற்றி கதையின் நாயகனாக அழுத்தமான வேடத்தில் நடித்திருக்கும் ‘ஆலன்’ எனும் திரைப்படத்தில் இடம்பெற்ற ‘நாடு விட்டு நாடு வந்து..’ எனத் தொடங்கும் பாடலும் பாடலுக்கான லிரிக்கல் வீடியோவும் வெளியிடப்பட்டிருக்கிறது.
இயக்குநர் ஆர். சிவா இயக்கத்தில் உருவாகி இருக்கும் ‘ஆலன்’ எனும் திரைப்படத்தில் வெற்றி, தஃபியா மதுரா, லால், விவேக் பிரசன்னா, கருணாகரன் உள்ளிட்ட பலர் நடித்திருக்கிறார்கள். விந்தன் ஸ்டாலின் ஒளிப்பதிவு செய்திருக்கும் இந்த திரைப்படத்திற்கு மனோஜ் கிருஷ்ணா இசையமைத்திருக்கிறார். இந்தத் திரைப்படத்தை 3 எஸ் பிக்சர்ஸ் நிறுவனம் சார்பில் இயக்குநர் ஆர். சிவா தயாரித்திருக்கிறார்.
இப்படத்தின் படப்பிடிப்பு பணிகள் முழுமையாக நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. மேலும் இப்படத்தின் ஃபர்ஸ்ட் லுக் மற்றும் பாடல்கள் வெளியாகி பெரும் வரவேற்பை பெற்ற நிலையில் இப்படத்தில் இடம்பெற்ற ‘நாடு விட்டு நாடு வந்து..’ என தொடங்கும் பாடலும் பாடலுக்கான லிரிக்கல் வீடியோவும் வெளியிடப்பட்டிருக்கிறது.
இந்தப் பாடலை பாடலாசிரியர் கார்த்திக் நேத்தா எழுத, பின்னணி பாடகி நிகிதா காந்தியும், இசையமைப்பாளரும் பாடகருமான மனோஜ் கிருஷ்ணாவும் இணைந்து பாடியிருக்கிறார்கள். இந்தப் பாடல் மெல்லிசை பாணியில் மேலைதேய இசை லயத்தில் உருவாகி இருப்பதால் இசை ரசிகர்களிடத்தில் பெரும் வரவேற்பை பெற்று வருகிறது.
