தலவாக்கலைக்கும் வட்டகொடையிற்கும் இடையில் சரக்கு ரயில் தடம் புரண்டதன் காரணமாக மலையக ரயில் சேவைகள் இன்று தடை பட்டுள்ளதாக நாவலப்பிட்டி புகையிரத கட்டுப்பாட்டு திணைக்களம் தெரிவித்துள்ளது.
இதன்காரணமாக குறித்த பாதையில் ஏனைய ரயில் சேவைகள் தாமதமாகும் என ரயில்வே கட்டுப்பாட்டு நிலையம் தெரிவித்துள்ளது.
கண்டியில் இருந்து பதுளை நோக்கி பயணித்த சரக்கு ரயிலே இவ்வாறு தடம் புரண்டுள்ளதாகவும் தெரிவிக்கப்பட்டுள்ளது.
குறித்த புகையிரதத்தை சீரமைத்து புகையிரத போக்குவரத்தை வழமைக்கு கொண்டுவர நடவடிக்கைகள் மேற்கொள்ளப்பட்டுள்ளதாக கட்டுப்பாட்டு அறை குறிப்பிட்டுள்ளது.
தொடர்ந்து மலையக பகுதிகளில் ரயில் தடம் புரண்டு வருகின்றமை குறிப்பிடத்தக்கது.
