பணச்சலவை தடுப்புச் சட்டத்தின் கீழ் யோஷித ராஜபக்ஷவுக்கு எதிராக சட்டமா அதிபரால் தாக்கல் செய்யப்பட்டுள்ள வழக்கின் மேலதிக சாட்சி விசாரணையை நவம்பர் மாதம் 12 ஆம் திகதிக்கு ஒத்திவைக்குமாறு கொழும்பு மேல் நீதிமன்றம் உத்தரவிட்டுள்ளது.
இன்று (30) கொழும்பு மேல் நீதிமன்ற நீதிபதி உதேஷ் ரணதுங்க முன்னிலையில் இவ்வழக்கு விசாரணைக்கு எடுத்துக்கொள்ளப்பட்டது.
இன்றைய தினம் சாட்சியங்கள் பதிவுசெய்யப்பட்டதுடன், மேலதிக சாட்சி விசாரணையை நவம்பர் மாதம் 12 ஆம் திகதி வரை ஒத்திவைக்க நீதிமன்றம் உத்தரவிட்டது.
பணச்சலவை தடுப்புச் சட்டத்தின் கீழ் சட்டமா அதிபரால் யோஷித ராஜபக்ஷவுக்கு எதிராகத் தாக்கல் செய்யப்பட்ட வழக்கில், மேலதிக சாட்சிய விசாரணை கொழும்பு உயர் நீதிமன்றத்தில் தொடங்கியுள்ளது.
கொழும்பு உயர் நீதிமன்ற நீதிபதி உதேஷ் ரணதுங்க முன்னிலையில் இந்த வழக்கு விசாரணை நடைபெற்று வருவதாக தென்னிலங்கை ஊடகம் செய்தி வெளியிட்டுள்ளது.
அரசுத் தரப்பு சார்பில் முன்னிலையான பிரதி சொலிசிட்டர் ஜனக பண்டாராவின் வழிகாட்டுதலின் கீழ் சாட்சியப் பதிவு தொடங்கியது.
தெகிவளை மற்றும் ரத்மலான பகுதிகளில் நிலங்களை வாங்குவதற்காக ரூ. 73 மில்லியனுக்கும் அதிகமான தொகையைச் செலவழித்ததன் மூலம், பணச்சலவை தடுப்புச் சட்டத்தின் கீழ் குற்றம் இழைத்ததாகக் குற்றம் சாட்டி, யோஷித ராஜபக்ஷ மீது சட்டமா அதிபர் வழக்குப் பதிவு செய்துள்ளார்.
