சூப்பர் டீலக்ஸ் படத்தை அடுத்து கணவர் நாகசைதன்யாவுடன் சமந்தா நடித்த மஜிலி தெலுங்கு படம், ஏப்ரல் 5-ந்தேதி வெளியானது. இதுவரை அப்படம் ரூ. 40 கோடி வசூலித்திருப்பதாக டோலிவுட்டில் இருந்து வரும் செய்திகள் தெரிவிக்கின்றன.
இந்தபடத்தை அடுத்து ஓ பேபி சக்ககுன்னவே, 96 படத்தின் தெலுங்கு ரீமேக் ஆகிய படங்களில் நடித்து வரும் சமந்தா, அடுத்தபடியாக தனது மாமனார் நாகார்ஜூனா நடிக்கும் மன்மதுடு 2 படத்திலும் நடிக்கிறார்.
இந்த படத்தில் நாகார்ஜூனாவிற்கு ஜோடியாக ரகுல்பிரீத்சிங் நடிக்கிறார். சமந்தா கெஸ்ட் ரோலில் நடிக்கிறார். படத்தின் கிளைமாக்சில் தான் அவரது கேரக்டர் இடம்பெறுகிறதாம். இப்படத்தில், சமந்தா நடிப்பது சிறிய வேடம் என்றாலும், கதைக்கு முக்கியத்துவம் வாய்ந்தது என்கிறார்கள்.