மறைந்த நடிகை ஸ்ரீதேவியின் மகள் ஜான்வி கபூர். தற்போது ஹிந்தியில் தாதக் தாதக் என்ற படத்தில் நடித்து வருகிறார். மேலும், இந்திய சினிமாவில் அம்மா ஸ்ரீதேவி விட்டுச்சென்ற இடத்தை நிரப்ப வேண்டும் என்கிற கோணத்தில் தனது எதிர்கால சினிமா பயணத்தை தொடங்கியிருக்கிறார் ஜான்வி கபூர்.
இந்நிலையில் ஸ்ரீதேவி கணவரின் தம்பியான அனில்கபூரின் மகளும், நடிகையுமான சோனம் கபூரின் திருமணம் இன்று மும்பையில் நடைபெறுகிறது. முன்னதாக, நேற்றைய தினம் மெஹந்தி விழா நடை பெற்றது. இதில் ஸ்ரீதேவியின் மகள்கள் ஜான்வி கபூர், குஷி கபூர் இருவரும் அலங்காரம் செய்து கொண்டு மகிழ்ச்சியுடள் கலந்து கொண்டனர். ஸ்ரீதேவி இறந்த பிறகு அவர்கள் குடும்பத்தில் நடக்கும் முதல் நிகழ்ச்சி இதுவாகும்.
இந்த நிகழ்ச்சியில், அம்மா ஸ்ரீதேவி நடித்த படங்களின் பாடல்களுக்கு ஜான்வி கபூர் நடனமாடுவார் என்று எதிர்பார்க்கப்பட்டது. ஆனால், அம்மாவின் பாடல்களுக்கு தன்னால் நடனமாட இயலாது என்று கூறி விட்டாராம் அவர். அதனால் அந்த நிகழ்ச்சியை ஒத்தி வைத்து விட்டார்கள்.