சசிகலாவின் இரண்டாவது அண்ணன் விநோதகனின் மகன் டி.வி.மகாதேவனின் இறுதிச் சடங்களில் கலந்துக்கொள்ள சசிகலாவுக்கு அனுமதி மறுக்கப்பட்டுள்ளது.
47 வயதான டி.வி.மகாதேவன் இன்று மாரடைப்பால் காலமானார். அவரது இறுதி ஊர்வலம் தஞ்சாவூரில் நடைபெறுகிறது.
இந்நிலையில், இதுகுறித்து பெங்களூர் சிறையில் உள்ள சசிகலாவுக்கு தகவல் தெரிவிக்கப்பட்டுள்ளது.
செய்தி கேட்சி கண்ணீர்விட்டு அழுத சசிகலா, இறுதி ஊர்வலத்தில் கலந்துக்கொள்ள கோரிக்கை விடுத்து சிறை அதிகாரியிடம் கோரிக்கை விடுத்துள்ளார்.
ஆனால், சிறைக் காவலில் இருக்கும் குற்றவாளியின் உறவினர் உயிரிழக்கும் பட்சத்தில், இறந்தவர் குற்றவாளியின் முதல் இரத்த சொந்தமாக இருந்தால் மட்டுமே, அவருக்கு பாரோலில் நிபந்தனையின் படி வெளியே வர அனுமதி வழங்கப்படும் என அறிவித்து அவரது கோரிக்கையை நிராகரித்துள்ளார்.
அதேசமயம் அவர் மகாதேவனின் இறுதி ஊர்வலத்தில் கலந்துகொள்ள வேண்டுமெனில் நீதிமன்றத்தை அணுகி, அனுமதி பெறலாம் எனவும் அவர் தெரிவித்துள்ளார்.
