பாலிவுட் நடிகர் அனில் கபூர் வாரிசு சோனம் கபூர். முன்னணி நடிகையாக திகழும் இவர், பிரபல தொழிலதிபர் ஆனந்த் அஹூஜாவை, கடந்த நான்கு ஆண்டுகளாக காதலித்து வந்தார்.
இவர்களது திருமணத்திற்கு இருவீட்டாரும் சம்மதம் சொல்ல, மும்பையில் இன்று விமரிசையாக திருமணம் நடந்தது. சீக்கிய முறைப்படி இந்த திருமணம் நடந்தது. மாலையில் தனியார் ஹோட்டலில் வரவேற்பு நிகழ்ச்சி நடக்கிறத. இதில் ஏராளமான பாலிவுட் பிரபலங்கள் பங்கேற்க உள்ளார்கள்.
நடிகர் அனில் கபூர், போனி கபூரின் சகோதரர் ஆவார். சமீபத்தில் ஸ்ரீதேவி மறைந்த நிலையில் அவரது குடும்பத்தில் இந்த திருமணம் மூலம் மீண்டும் மகிழ்ச்சி திரும்பியிருக்கிறது.