பீஜிங், அண்டை நாடான சீனாவின் வடகிழக்கு ஹெலாங்ஜியாங் மாகாணத்தில், சாங்பெய் மாவட்ட தலைநகர், ஹர்பின் நகரில் ‘பெய்லாங் ஹார் ஸ்பிரிங் லீஷர்’ ஓட்டல் உள்ளது.
இந்த ஓட்டலில், நேற்று அதிகாலை தீ விபத்து ஏற்பட்டது.தகவல் அறிந்து சம்பவ இடத்திற்கு வந்த தீயணைப்பு வீரர்கள், மூன்று மணி நேரம் போராடி தீயை அணைத்தனர்.
இந்த தீ விபத்தில், 18 பேர் உயிரிழந்தனர்; படுகாயமடைந்த 19 பேர் மருத்துவமனையில் அனுமதிக்கப்பட்டுள்ளனர். தீ விபத்துக்கான காரணம் தெரியவில்லை என்றும் தீயணைப்பு அதிகாரிகள் கூறினர்.