பிரபல தெலுங்கு நடிகர் மற்றும் தயாரிப்பாளர் அல்லு சிரிஷ். பிரபல தெலுங்கு நடிகர் அல்லு அர்ஜுனின் தம்பி, சிரஞ்சீவி குடும்பத்தை சேர்ந்தவர். 1995ம் ஆண்டு தமிழில் வெளிவந்த மாயாபாஜார் படத்தில் குழந்தை நட்சத்திரமாக நடித்தார். அதன்பிறகு ராதா மோகன் இயக்கத்தில் தமிழ், மற்றும் தெலுங்கில் தயாரான கவுரவம் படத்தில் ஹீரோவாக அறிமுகமானார். அதன் பிறகு தெலுங்கு படங்களில் நடித்து வந்தார்.
தற்போது மீண்டும் தமிழுக்கு வருகிறார். விஜய் மில்டன் இயக்கத்தில் விஜய் ஆண்டனி நடிக்கும் படத்தில் முக்கிய வேடத்தில் நடிக்கிறார். இந்த படம் தெலுங்கிலும் வெளியிடப்பட இருப்பதால் அல்லு சிரிஷ் நடிக்க வைக்கப்படுகிறார். படத்தில் அல்லு சிரிஷ் வில்லனாக நடிப்பதாகவும் கூறப்படுகிறது.
