ஆளில்லா உளவு விமானத்தை பரிசோதித்தது ரஷ்யா

மேம்படுத்தப்பட்ட, கூடுதல் வலிமையான ஆளில்லா உளவு விமானத்தை ரஷ்யா வெற்றிகரமாக பரிசோதித்துள்ளது.

ஓகோட்னிக் ((Okhotnik)) என்று பெயரிடப்பட்ட இந்த விமானத்தை சோதனை செய்த காணொளியை அந்நாடு வெளியிட்டுள்ளது. இதில் உளவு விமானம் புறப்பாடு, நடுவானில் பயணம் மற்றும் இறங்குவது போன்றவை இந்தக் காணொளியில் காட்டப்பட்டுள்ளன.

இந்நிலையில் பிரபல விமானத் தயாரிப்பு நிறுவனமாக சுகோய் நிறுவனம் இந்த ஓகோட்னிக் விமானத்தைத் தயாரித்துள்ளதாகவும், 5 ஆயிரம் கிலோ மீட்டர் தூரம் சென்று தாக்குதல் திறன் கொண்டதாகவும் உள்ளது என ரஷ்ய செய்தி நிறுவனங்கள் தெரிவித்துள்ளன. மேலும் 20 டன் வெடிபொருளைச் சுமந்து செல்லும் திறன் கொண்ட ஓகோட்னிக், அமெரிக்காவின் லாக்ஹீட் மார்டின் நிறுவனத்தின் உளவு விமானமான ஆர்க்யூ 170க்கு போட்டியாக இருக்கும் என்றும் அந்தச் செய்தியில் தெரிவிக்கப்பட்டுள்ளது.