இங்கிலாந்து டெஸ்ட் கிரிக்கெட் அணியின் அணித்தலைவர் பொறுப்பில் இருந்து அலாஸ்டர் குக் விலகியுள்ளார்.

கடந்த 2012ம் ஆண்டிலிருந்து இங்கிலாந்து டெஸ்ட் அணியின் அணித்தலைவராக இருந்தவர் அலாஸ்டர் குக்.

இதுவரையிலும் 59 போட்டிகளுக்கு தலைமை தாங்கியவர் 2012-ம் ஆண்டு விஸ்டன் கிரிக்கெட் வீரர் விருதையும், 2013-ம் ஆண்டு ஐசிசி டெஸ்ட் கேப்டன் விருதையும் வென்றுள்ளார்.

சிறந்த அணித்தலைவராக விளங்கிய குக்-க்கு எதிராக சமீபகாலமாக விமர்சனங்கள் எழுந்தன.

இதற்கு காரணம் இந்தியாவுக்கு எதிராக 4-0 என்ற கணக்கில் தோல்வியடைந்தது தான்.

இதனை தொடர்ந்து அணித்தலைவர் பதவியிலிருந்து விலகுவதாக குக் அறிவித்துள்ளார்.

இதுதொடர்பாக குக் வெளியிட்டுள்ள அறிக்கையில், இங்கிலாந்து அணியின் அணித்தலைவராக கடந்த 5 ஆண்டுகளாக நீடித்ததை நினைத்து பெருமை கொள்கிறேன்.

அணித்தலைவராக இல்லை என்றாலும் அணியில் நீடிப்பேன், வரவிருக்கும் தலைவருக்கு என்னால் முடிந்த உதவிகளை செய்வேன் என தெரிவித்துள்ளார்.

குக் விலகியதை தொடர்ந்து ஜோ ரூட் அணித்தலைவராக நியமிக்கப்படலாம் என தகவல்கள் வெளியாகியுள்ளது.