தமிழ் திரையுலகில் சந்தை மதிப்புள்ள நடிகராக வலம் வரும் நடிகர் விமல் நடிப்பில் தயாராகும் புதிய திரைப்படத்திற்கு ‘பெல்லடோனா ‘ என பெயரிடப்பட்டிருப்பதாக படக் குழுவினர் பிரத்யேக புகைப்படத்தை வெளியிட்டு அறிவித்துள்ளனர்.
இயக்குநர் சந்தோஷ் பாபு முத்துசாமி இயக்கத்தில் உருவாகும் ‘பெல்லடோனா’ எனும் திரைப்படத்தில் விமல் ,தேஜஸ்வினி சர்மா, மேக்சினா பவ்னம் உள்ளிட்ட பலர் நடிக்கிறார்கள்.
ஏ. வினோத் பாரதி ஒளிப்பதிவு செய்யும் இந்த திரைப்படத்திற்கு ஏ. சி. ஜோன் பீற்றர் இசையமைக்கிறார்.
சுப்பர் நேச்சுரல் திரில்லர் ஜேனரில் தயாராகும் இந்த திரைப்படத்தை யுபோரியா பிளிக்ஸ் நிறுவனம் சார்பில் தயாரிப்பாளர் ஸ்ரீ தேஜாஸ் தயாரிக்கிறார்.
இதனிடையே விமல் நடிப்பில் வெளியான திரைப்படங்கள் தயாரிப்பாளர்களுக்கும், திரையுலகினருக்கும் குறைந்த அளவில் லாபத்தை தருவதால் அவரது நடிப்பில் தயாராகும் சுப்பர் நேச்சர் திரில்லர் திரைப்படமான ‘பெல்லடோனா’விற்கு ரசிகர்களிடையே குறைந்தபட்ச எதிர்பார்ப்பு ஏற்பட்டிருக்கிறது என்பது குறிப்பிடத்தக்கது.
