புதுமுக குழந்தை நட்சத்திரங்கள் முதன்மையான கதாபாத்திரத்தில் நடித்திருக்கும் ‘வாழை’ எனும் திரைப்படத்தில் இடம்பெற்ற ‘ஒரு ஊருல ராஜா..’ எனத் தொடங்கும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.
இயக்குநர் மாரி செல்வராஜ் இயக்கத்தின் உருவாகியிருக்கும் ‘வாழை’ எனும் திரைப்படத்தில் புதுமுக குழந்தை நட்சத்திரம் பொன். வேல் மற்றும் ராகுல் ஆகியோருடன் கலையரசன், நிகிலா விமல், திவ்யா துரைசாமி, ஜானகி, ஜெ. சதீஷ்குமார் உள்ளிட்ட பலர் நடித்திருக்கிறார்கள். தேனி ஈஸ்வர் ஒளிப்பதிவு செய்திருக்கும் இந்த திரைப்படத்திற்கு சந்தோஷ் நாராயணன் இசையமைத்திருக்கிறார்.
கிராமப்புற பிள்ளைகளின் யதார்த்த வாழ்வியலை மையப்படுத்தி தயாராகி இருக்கும் இந்த திரைப்படத்தை டிஸ்னி பிளஸ் ஹாட்ஸ்டார்- நவ்வி ஸ்டுடியோஸ் – ஃபார்மர்’ஸ் மாஸ்டர் பிளான் புரொடக்சன் ஆகிய நிறுவனங்கள் இணைந்து தயாரித்திருக்கிறது.
எதிர்வரும் ஓகஸ்ட் மாதம் 23ஆம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் ‘வாழை’ திரைப்படத்தில் இடம்பெற்ற ‘ஒரு ஊர்ல ராஜா..’ எனத் தொடங்கும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.
இந்தப் பாடலை இயக்குநர் மாரி செல்வராஜ் எழுத, இசையமைப்பாளரும், பாடகருமான சந்தோஷ் நாராயணன் பாடியிருக்கிறார். இந்த பாடலுக்காக உருவாக்கப்பட்டிருக்கும் காணொளி அர்த்த பூர்வமான குறியீடுகள்- கம்யூனிஸ்ட் கட்சியின் கொடி- கருப்பு வெள்ளை வண்ண காட்சிகள்- என பார்வையாளர்களை கவரும் வகையில் உருவாக்கப்பட்டிருப்பதால் ரசிகர்களை வெகுவாக கவர்ந்திருக்கிறது.
