‘கோடம்பாக்கத்தின் டஸ்கி பியூட்டி’ ஐஸ்வர்யா ராஜேஷ் கதையின் நாயகியாக நடிக்கும் புதிய திரைப்படத்திற்கு, ‘வளையம்’ என பெயரிடப்பட்டு, அதன் டைட்டில் லுக் வெளியிடப்பட்டிருக்கிறது.
அறிமுக இயக்குநர் மனோ பாரதி .எஸ் இயக்கத்தில் உருவாகி வரும் ‘வளையம்’ எனும் திரைப்படத்தில் ஐஸ்வர்யா ராஜேஷ் கதையின் நாயகியாக நடிக்க, அவருடன் நடிகர் தேவ் முக்கிய வேடத்தில் நடிக்கிறார். மகேந்திரா எம் ஹென்றி ஒளிப்பதிவு செய்யும் இந்த திரைப்படத்திற்கு பிரிட்டோ மைக்கேல் இசையமைத்திருக்கிறார். எக்சன் அட்வென்ச்சர் ஜேனரில் தயாராகி இருக்கும் இந்த திரைப்படத்தை ஆக்சஸ் ஃபிலிம் ஃபேக்டரி சார்பில் தயாரிப்பாளர் ஜி. டில்லி பாபு தயாரித்திருக்கிறார்.
இப்படத்தின் படப்பிடிப்பு பணிகள் நிறைவடைந்து தற்போது இறுதி கட்டப் பணிகள் விறுவிறுப்பாக நடைபெற்று வருகிறது. இந்நிலையில் படத்தின் டைட்டில் லுக் வெளியிடப்பட்டிருக்கிறது. ‘வளையம்’ என பெயரிடப்பட்டிருக்கும் இப்படத்தின் ஃபர்ஸ்ட் லுக் விரைவில் வெளியாகும் என எதிர்பார்க்கப்படுகிறது
