யாழ்ப்பாணம் வடமராட்சி கிழக்கு வத்திராயன் கடற்பகுதியில் சந்தேகத்துக்கிடமான படகொன்று இன்று (06) அதிகாலையில் கரையொதுங்கியுள்ளது.
படகில் காணப்படும் மீன்பிடி திணைக்களத்தின் பதிவு இலக்கம் அழிக்கப்பட்டுக் காணப்படுவதால் இந்த படகை போதைப்பொருள் கடத்தல்காரர்கள் பயன்படுத்தியிருக்கலாம் என சந்தேகிக்கப்படுகிறது.
இது தொடர்பான விசாரணைகளை மருதங்கேணி பொலிஸார் மற்றும் கடற்படையினர் மேற்கொண்டு வருகின்றனர்.
இதேவளை வடமராட்சி கிழக்கு உடுத்துறையில் பௌத்த கொடியுடன் மிதப்பு ஒன்றும், மூடிய கொள்கலன் ஒன்றும் கரையொதுங்கியது.
மேலும், நாகர் கோவில் பகுதியிலும் மரத்தினாலான மிதப்பு ஒன்று கரையொதுங்கியிருந்தமை குறிப்பிடத்தக்கது.
