சமுத்திரகனி, யோகி பாபு நடித்த ’யாவரும் வல்லவரே’ என்ற திரைப்படத்தின் படப்பிடிப்பு முடிவடைந்து விரைவில் திரையரங்குகளில் வெளியாக இருக்கும் நிலையில் இந்த படத்தின் டீசர் வெளியாகி இணையத்தில் வைரல் ஆகி வருகிறது.
காமெடியாக ஆரம்பிக்கும் கதை ஒரு கட்டத்தில் பகையாக முடிய, பழிவாங்கும் கதையம்சம் கொண்டதாக தொடர்கிறது என்பதுதான் இந்த படத்தின் கதையாக இருக்கும் என்பது டீசரில் இருந்து தெரிய வருகிறது.
சமுத்திரகனி முக்கிய வேடத்தில் நடித்துள்ள இந்த படத்தில் யோகி பாபு, ரித்விகா, அருந்ததி, ரமேஷ் திலக், தேவதர்ஷினி, மயில்சாமி உள்ளிட்டோர் நடித்துள்ளனர். ராஜேந்திர சக்கரவர்த்தி இயக்கத்தில் உருவாகி இருக்கும் இந்த படத்திற்கு ரகுநாதன் இசையமைத்துள்ளார்.https://www.youtube.com/embed/ELH516zRvpE?feature=oembed
ஜெய் ஒளிப்பதிவில், ராமராவ் படத்தொகுப்பில் உருவாகியுள்ள இந்த படத்தை ஆனந்த ஜோசப் ராஜ் என்பவர் தயாரித்துள்ளார். இந்த படம் விரைவில் திரைக்கு வெளியாக உள்ளதாக அறிவிக்கப்பட்டுள்ளது.
