ஷாருக்கான் நடிப்பில் தயாராகி இருக்கும் ‘ஜவான்’ படத்தைப் பற்றிய புதிய தகவல்கள் வெளியாகி இருக்கிறது. இயக்குநர் அட்லீ இயக்கத்தில் தயாராகி இருக்கும் புதிய திரைப்படம் ‘ஜவான்’.
இதில் பொலிவுட் பாட்ஷா ஷாருக்கான், லேடி சுப்பர் ஸ்டார் நயன்தாரா, மக்கள் செல்வன் விஜய் சேதுபதி, தீபிகா படுகோன், ரீதி டோக்ரா உள்ளிட்ட பலர் நடித்திருக்கிறார்கள்.
விஷ்ணு ஒளிப்பதிவு செய்திருக்கும் இந்த திரைப்படத்திற்கு அனிருத் இசையமைத்திருக்கிறார். மாஸ் எக்சன் என்டர்டெய்னராக தயாராகி இருக்கும் இந்த திரைப்படத்தை ரெட் சில்லிஸ் என்டர்டெய்ன்மெண்ட் எனும் பட நிறுவனம் சார்பில் தயாரிப்பாளர் கௌரி கான் தயாரித்துள்ளார். கௌரவ் ஷர்மா இணை தயாரிப்பாளராக பணியாற்றி இருக்கிறார்.
செப்டெம்பர் 7ஆம் திகதியன்று உலகம் முழுவதும் தமிழ், தெலுங்கு, இந்தி ஆகிய மொழிகளில் வெளியாகவிருக்கும் இந்த படத்தை பற்றிய புதிய தகவல்கள் நாளாந்தம் வெளிவந்த வண்ணம் உள்ளது.
இந்நிலையில் தற்போது இப்படத்தின் புதிய போஸ்டர் வெளியிடப்பட்டிருக்கிறது. படத்தின் நாயகனான ஷாருக்கான் வெளியிட்ட இந்த போஸ்டரில் ஷாருக் கான், விஜய் சேதுபதி, நயன்தாரா ஆகிய மூவரும் வித்தியாசமான கோணத்தில் தோன்றியிருக்கிறார்கள். இது ரசிகர்களை பெரிதும் கவர்ந்திருப்பதால் இணையத்தில் வைரலாகி வருகிறது.
இதனிடையே ‘பொலிவுட் பாட்ஷா’ ஷாருக்கானும், ‘மக்கள் செல்வன்’ விஜய் சேதுபதியும் முதன்முதலாக நாயகன்- வில்லன் என்ற கதாபாத்திரங்களில் நடித்திருப்பதால், ‘ஜவான்’ படத்தைப் பற்றிய எதிர்பார்ப்பு அதிகரித்துக் கொண்டே இருக்கிறது என்பது குறிப்பிடத்தக்கது.
