பாடசாலை கட்டிடத்திலிருந்து தவறி விழுந்த மாணவி வைத்தியசாலையில் அனுமதி

கண்டியில் உள்ள பாடசாலை ஒன்றில் கல்வி பயிலும் 15 வயதுடைய மாணவி ஒருவர் பாடசாலை வளாகத்திலுள்ள கட்டிடத்திலிருந்து தவறி விழுந்து படுகாயமடைந்துள்ளார்.

இச் சம்பவம் செவ்வாய்க்கிழமை (09) இடம்பெற்றுள்ளது.

தரம் 10 இல் கல்வி கற்கும் குறித்த மாணவி, கட்டிடமொன்றின் முதலாவது மாடியிலிருந்து தவறி விழுந்த நிலையில் காயங்களுக்குள்ளாகியுள்ளார்.

காயங்களுக்குள்ளான மாணவி கண்டி பொது வைத்தியசாலையின் அதிதீவிர சிகிச்சைப் பிரிவில் சிகிச்சைக்காக அனுமதிக்கப்பட்டுள்ளார்.

மாணவி 15 அடி உயரத்தில் இருந்து குதித்துள்ளதாக பொலிஸாரின் விசாரணையில் இருந்து தெரியவந்துள்ளது.

மாணவத் தலைவியான குறித்த மாணவி கட்டுகஸ்தோட்டை கலுகமுவ பிரதேசத்தில் வசிப்பவர் ஆவார்.

சம்பவம் தொடர்பில்  கட்டுகஸ்தோட்டை பொலிஸார் மேலதிக விசாரணைகளை மேற்கொண்டு வருகின்றனர்.