மொரட்டுவ பல்கலைக்கழக பொறியியல் பீட மாணவரான அமரர். ஆகாஸ் நினைவாக வட மாகாண மேசைப்பந்தாட்ட சம்மேளனத்தினால் 2022ஆம் ஆண்டு டிசம்பர் 23ஆம், 24ஆம் திகதிகளில் யாழ். மத்திய கல்லூரியில் மேசைப்பந்தாட்ட சுற்றுப்போட்டியில் 19 வயதுக்குட்பட்ட ஆண்களுக்கான ஒற்றையர் ஆட்டம் நடத்தப்பட்டது.
இதில் கொழும்பு புனித பீற்றர் கல்லூரி மேசைப்பந்தாட்ட அணியின் தலைவர் ஈ.ஆர்.எஸ். வோகன் வெண்கலப்பதக்கம் வென்றதுடன், ஆண்களுக்கான திறந்த ஒற்றையர் பிரிவில் காலிறுதிச் சுற்றுக்கு முன்னேறி இருந்தார்.
இவர் இவ்வாண்டுக்கான மேல் மாகாண மேசைப்பந்தாட்ட தரப்படுத்தல் போட்டியில் 19 வயதுக்குட்பட்ட ஆண்களுக்கான ஒற்றையர் ஆட்டத்தில் காலிறுதிச் சுற்றுக்கு முன்னேறியிருந்தமை குறிப்பிடத்தக்கது.
இவரது கல்லூரியின் மேசைப் பந்தாட்ட பொறுப்பாசிரியராக திரு.ம. எட்வேட் ரவீந்திரராஜாவும் பயிற்றுவிப்பாளராக திரு. வசந்த பெரேராவும் செயற்படுகின்றமை குறிப்பிடத்தக்கது.
