கொழும்பு- வெல்லம்பிட்டிய பிரதேசத்தில் கூரிய ஆயுதங்களுடன் 6 பேர் விசேட அதிரடிப் படையினரால் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.
பொலிஸ் விசேட அதிரடிப்படையினருக்கு கிடைக்கப்பெற்ற இரகசிய தகவலுக்கு அமைவாக வெல்லம்பிட்டிய பகுதியில் மேற்கொள்ளப்பட்ட விசேட சுற்றிவளைப்பில் 6 பேர் கைது செய்யப்பட்டுள்ளார்கள்.
இதன்போது கைது செய்யப்பட்டவர்கள் 20,21, 26 மற்றும் 27 வயதுகளுக்கு இடைப்பட்டவர்கள் எனவும் அவர்கள் அனைவரும் வெல்லம்பிட்டிய பிரதேசத்தைச் சேர்ந்தவர்கள் எனவும் பொலிஸார் தெரிவித்துள்ளனர்.
சந்தேகநபர்களிடமிருந்து 3 வாள், 3 கத்திகள் மற்றும் மற்றுமொரு கூரிய ஆயுதமொன்றும் மீட்கப்பட்டுள்ளன. சம்பவம் தொடர்பில் வெல்லம்பிட்டிய பொலிஸார் மேலதிக விசாரணைகளை முன்னெடுத்துள்ளதாக பொலிஸ் ஊடகப்பிரிவு மேலும் தெரிவித்துள்ளது.
