‘உடன்பிறப்பே’ படத்தை தொடர்ந்து நடிகை ஜோதிகா கதாநாயகியாக நடிக்கும் ‘காதல் – தி கோர்’ படத்தின் ஃபர்ஸ்ட் லுக் வெளியாகியுள்ளது.
‘தி கிரேட் இந்தியன் கிச்சன்’ எனும் படத்தின் இயக்குநர் ஜோ பேபி இயக்கத்தில் தயாராகும் புதிய படத்துக்கு ‘காதல் – தி கோர்’ என பெயரிடப்பட்டிருக்கிறது.
இந்த படத்தில் மலையாள சுப்பர் ஸ்டார் நடிகர் மம்மூட்டி கதாநாயகனாக நடிக்க, அவருக்கு ஜோடியாக நடிகை ஜோதிகா நடிக்கிறார்.
ஆதர்ஷ் சுகுமாரன், பால்சன் ஸ்காரியா ஆகியோர் கதை, திரைக்கதை எழுத, சாலு கே. தோமஸ் ஒளிப்பதிவு செய்ய, மேத்யூஸ் புலிக்கான் இசையமைக்கிறார்.
காதலை மையப்படுத்திய இந்த படத்தை மம்மூட்டி கம்பெனி எனும் பட நிறுவனம் சார்பில் நடிகர் மம்மூட்டி தயாரிக்கிறார்.
சிறிய இடைவெளிக்குப் பிறகு நடிகை ஜோதிகா நடிக்கும் மலையாள படம் இது. மலையாளத்தில் இவர் நடிக்கும் மூன்றாவது படமும் இதுவாகும்.
ஜோதிகாவின் பிறந்தநாளை முன்னிட்டு படக்குழுவினர் படத்தின் டைட்டிலையும், ஃபர்ஸ்ட் லுக்கையும் வெளியிட்டிருக்கிறார்கள் என்பது குறிப்பிடத்தக்கது.
