நேபாள ஜனாதிபதி மருத்துவமனையில்

நேபாள ஜனாதிபதி பித்யா தேவி பண்டாரி உடல்நல குறைவால் காத்மண்டுவில் உள்ள வைத்தியசாலையில் சேர்க்கப்பட்டுள்ளார். 

61 வயதான பித்யா தேவி பண்டாரிக்கு திடீரென நேற்று உடல்நல குறைவு ஏற்பட்டு உள்ளது. 

இதனை தொடர்ந்து, அவர் உடனடியாக வைத்தியசாலைக்கு கொண்டு செல்லப்பட்டார். 

இதுபற்றி அவரது செயலாளரான பேஷ் ராஜ் அதிகாரி செய்தியாளர்களிடம் இன்று கூறும்போது, நேபாள ஜனாதிபதி  பித்யா தேவி பண்டாரிக்கு சுகாதார பாதிப்புகள் ஏற்பட்டு உள்ளன. அவருக்கு குளிர் ஜுரம், இருமல் மற்றும் காய்ச்சல் போன்றவை காணப்படுகின்றன. 

இதனால், அவர் காத்மண்டுவில் உள்ள மகராஜ்கஞ்ச் பகுதியில் அமைந்த திரிபுவன் பல்கலைக்கழக வைத்தியசாலையில் சிகிச்சைக்காக சேர்க்கப்பட்டு உள்ளார். அவருக்கு அதற்கான மருத்துவ சிகிச்சை அளிக்கப்பட்டு வருகிறது என கூறியுள்ளார்.