அருள்நிதி நடிப்பில் தயாராகியிருக்கும் ‘தேஜாவு’ படத்தின் டீஸர் இன்று வெளியிடப்பட்டது. இதனை நடிகரும், தி.மு.க சட்டமன்ற உறுப்பினருமான உதயநிதி ஸ்டாலின் தன்னுடைய ட்விட்டர் பக்கத்தில் வெளியிட்டார்.
அறிமுக இயக்குநர் அரவிந்த் சீனிவாசன் இயக்கத்தில் தயாராகி இருக்கும் முதல் திரைப்படம் ‘தேஜாவு’. இதில் நடிகர் அருள்நிதி கதையின் நாயகனாக நடித்திருக்கிறார். இவருடன் நடிகைகள் ஸ்மிருதி வெங்கட், மதுபாலா, நடிகர்கள் காளி வெங்கட், மைம் கோபி ராகவ் விஜய் உள்ளிட்ட பலர் நடித்திருக்கிறார்கள். பி.ஜி. முத்தையா ஒளிப்பதிவு செய்திருக்கும் இந்த படத்திற்கு ஜிப்ரான் இசையமைத்திருக்கிறார்.
இந்தப் படத்தின் ஃபர்ஸ்ட் லுக் மற்றும் செகண்ட் லுக் ஏற்கனவே வெளியாகி பெரும் வரவேற்பை பெற்ற நிலையில், இப்படத்தின் டீசர் இன்று வெளியிடப்பட்டிருக்கிறது. டீஸரில் நடிகர் அருள்நிதி சீருடை அணியாத பொலிஸ் அதிகாரி வேடத்தில் கம்பீரமாக தோன்றுவதால், எதிர்பார்த்ததைவிட கூடுதலான வரவேற்பு கிடைத்து வருகிறது.
#No 1 TamilWebSite 
| http://Facebook page / easy 24 news | Easy24News – YouTube | [email protected]
