வீட்டில் அரை மணி நேரத்திலேயே தயாரிக்கும் சீஸ்

பன்னீர் – 150 கிராம்

அடித்த முட்டை – 3 ஸ்பூன்
உப்பு கலந்த வெண்ணெய் – 200 கிராம்
பேக்கிங் சோடா – 1/4 ஸ்பூன்
உப்பு – சுவைக்கு ஏற்ப

செய்முறை:

பன்னீரை உடைத்து தூளாக்கிக்கொள்ளவும்.

அதில் அடித்த முட்டையை ஊற்றவும்.

பின் உப்பு கலந்த வெண்ணெய் சேர்க்கவும்.

அடுத்ததாக பேக்கிங் சோடா மற்றும் தேவையான அளவு உப்பு சேர்க்கவும்.

இந்தக் கலவையை தற்போது நன்கு பிசைந்துகொள்ளவும்.

தற்போது அகலமான பாத்திரத்தில் மற்றொரு பாத்திரம் வைக்கும்படியாகத் தண்ணீர் ஊற்றவும். காரணம், இவ்வாறு செய்வதால் சீஸ் கிளறும்போது

அடிப்பிடிக்காது.

தண்ணீர் நன்கு கொதிக்கும்போது மற்றொரு பாத்திரத்தை அதில் வைக்கவும்.

தற்போது பிசைந்த பன்னீர் பேஸ்டை அதில் போட்டு நன்கு கிளறவும். இடைவெளியின்றி கிளறிக் கொண்டே இருக்கவும்.

15 நிமிடங்கள் கிளறிக் கொண்டே இருந்தால் உருகி பேஸ்ட் வடிவில் சீஸ் பதத்திற்கு வரும்.

பின் அதை ஒரு டப்பாவில் அடைத்து ஃபிரிஜில் வைத்துக்கொள்ளலாம். தேவைப்படும்போது பயன்படுத்திக்கொள்ளலாம்.