இது ஒலிம்பிக் அரங்கில் அவர் வெல்லும் 8வது தங்கப்பதக்கம் என்பது குறிப்பிடத்தக்கது.

ஆனால் இவருடைய முந்தைய சாதனையான 19.30 வினாடிகளின் சாதனையை இம்முறை முறியடிப்பார் என ரசிகர்கள் எதிர்பார்த்து காத்திருந்தனர்.

போல்ட்டோ பந்தய தூரத்தை 19.78 வினாடிகளில் கடந்து முதலிடம் பிடித்தார். இது ரசிகர்களுக்கு பெருத்த ஏமாற்றமாக அமைந்தது.

உசைன் போல்டுக்கு அடுத்தபடியாக வந்த கனடா வீரர் ஆண்டிரே டி கிராஸே 20.02 வினாடிகளில் கடந்து வெள்ளிப் பதக்கத்தையும், 20.12 வினாடிகளில் கடந்து மூன்றாவது இடத்தை பிடித்த பிரான்ஸ் வீரர் கிறிஸ்டோபே லெமைட்ரே வெண்கலப் பதக்கத்தையும் பெற்றனர்.

ரியோ ஒலிம்பிக்கில் மட்டும் 100 மீட்டர் ஓட்டத்தில் ஒரு தங்கப் பதக்கத்தையும், அடுத்ததாக 200 மீட்டர் ஓட்டத்தில் ஒரு தங்கப் பதக்கத்தையும் வென்றுள்ள உசைன் போல்ட், இன்று நடைபெறும் 4X100 மீட்டர் தொடர் ஓட்டத்திலும் தங்கம்வெல்வார் என்று எதிர்பார்க்கப்படுகிறது.

முன்னதாக, பீஜிங் ஒலிம்பிக்கில் 3 தங்கமும் (100 மீட்டர், 200 மீட்டர், 4X100 மீட்டர் தொடர் ஓட்டம்), லண்டன் ஒலிம்பிக்கில் 3 தங்கமும் (100 மீட்டர், 200 மீட்டர், 4X100 மீட்டர் தொடர் ஓட்டம்) இவர் வென்றிருந்தார். அந்த சாதனையை தொடரும் வகையில் ரியோ ஒலிம்பிக்கிலும் 4X100 மீட்டர் தொடர் ஓட்டத்திலும் இவர் வாகை சூடுவார் என எதிர்பார்க்கப்படுகிறது.