ரியோ ஒலிம்பிக் 100 மீற்றர் பட்டர்ஃப்ளை நீச்சல் போட்டியில் சிங்கப்பூரை சேர்ந்த ஜோசப் ஸ்கூலிங் முதலிடம் பிடித்து தங்கம் பதக்கம் வென்றுள்ளார். 2வது இடத்தை பிடித்து பெல்ப்ஸ் வெள்ளி வென்றுள்ளார். ஜோசப் ஸ்கூலிங், பெல்ப்ஸை வீழ்த்தி முதலிடம் பிடித்துள்ளார்.

ரியோ ஒலிம்பிக் ஆடவர் இரட்டையர் டென்னிஸ் போட்டியில் ரஃபேல் நடால் ஜோடி தங்கம் வென்றது. ரஃபேல் நடால் ,மார்க் லோபஸ் ஜோடி 6-2,6-2 என்ற நேர் செட்டில் மெர்ஜியா டெக்கு ஜோடியை வீழ்த்தி வெற்றி பெற்றனர்.

குத்துச்சண்டை போட்டியில் இந்தியவீரர் விகாஸ் கிரிஷன் காலிறுதிக்கு தகுதி பெற்றார். 2 வது சுற்றில் துருக்கியின் ஒண்டர் சிபலை விகாஸ் வீழ்த்தினார். 75வது கிலோ எடைப்பிரிவில் 3-0 என்ற புள்ளிகணக்கில் விகாஸ் கிரிஷன் வெற்றி பெற்றார்.

ரியோ ஒலிம்பிக் போட்டியில் சானியா-போபண்ணா ஜோடி அரையிறுதிக்கு தகுதி பெற்றது. கலப்பு இரட்டையர் காலிறுதியில் பிரிட்டன் ஜோடியை வென்றனர். ஆன்டிமுர்ரே-ஹீத்தர் ஜோடியை 6-4,6-4 என்ற நேர் சென்டடில் வீழ்த்தினர்.