கடந்தவாரம் மம்முட்டி நடிப்பில் வெளியான ஒரு குட்டநாடன் பிளாக் படம் பிளாப் லிஸ்ட்டில் இடம் பிடித்தது. ஆனாலும் அந்த வருத்தத்தை போக்கும் விதமாக அதற்கு முன்னதாக வெளியான மம்முட்டி நடித்த ஆப்ரஹாமிண்டே சந்ததிகள் படம் நூறு நாட்களை தொட்டு சாதனை படைத்துள்ளது. கேரளாவில் மிக முக்கியமான மூன்று தியேட்டர்களில் இந்தப்படம் நூறு நாட்களை கடந்து ஒடிக்கொண்டு இருக்கிறது.
மலையாள திரையுலகில் பிரபல கதாசிரியராக இருந்த ஷாஜி படூர் இந்தப்படத்தின் மூலம் வெற்றிகரமான இயக்குனராக அறிமுகமாகியுள்ளார் மம்முட்டியும் நீண்ட நாளைக்குப்பின் சொல்லிக்கொள்ளும்படியான ஒரு வெற்றியை சமீபத்தில் வெளியான ஆப்ரஹாமிண்டே சந்ததிகள் படம் மூலம் ருசித்துள்ளார் .
