தமிழ் சினிமாவின் சிறந்த குணச்சித்திர நடிகரான விவேக் பிரசன்னா கதையினை வழி நடத்திச் செல்லும் முன்னணி கதாபாத்திரத்தில் நடித்திருக்கும் ‘ ரிங் ரிங் ‘ எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டிருக்கிறது.
இயக்குநர் சக்திவேல் இயக்கத்தில் உருவாகி இருக்கும் ‘ரிங் ரிங் ‘ எனும் திரைப்படத்தில் விவேக் பிரசன்னா, பிரவீண் ராஜ் , சாக்ஷி அகர்வால் , டேனி போப் , ஸ்வயம் சித்தா, அர்ஜுனன், ஜமுனா , சஹானா உள்ளிட்ட பலர் நடித்திருக்கிறார்கள்.
பிரசாத் ஒளிப்பதிவு செய்திருக்கும் இந்த திரைப்படத்திற்கு ‘இசை பேட்டை’ வசந்த் இசையமைத்திருக்கிறார். இந்த திரைப்படத்தை தியா சினி கிரியேசன்ஸ் மற்றும் ரூல் பிரேக்கர்ஸ் புரொடக்சன் ஆகிய நிறுவனங்கள் சார்பில் தயாரிப்பாளர்கள் ஜெகன் நாராயணன் மற்றும் சக்திவேல் ஆகியோர் இணைந்து தயாரித்திருக்கிறார்கள்.
இப்படத்தின் பாடல்கள்- டீசர்- ட்ரெய்லர்- ஆகியவை வெளியாகி பார்வையாளர்களிடத்தில் பெரும் வரவேற்பை பெற்றது. இந்நிலையில் இந்த திரைப்படம் எதிர்வரும் 31-ஆம் திகதியன்று உலகம் முழுவதும் பட மாளிகையில் வெளியாகும் என படக் குழுவினர் உற்சாகமாக அறிவித்துள்ளனர்.
திருமணமான தம்பதிகள் தங்களின் செல்போன்களை ஒருவருக்கொருவர் மாற்றிக் கொண்டால் என்ன நடக்கும்? என்பதனை மையமாகக் கொண்டு இந்த திரைப்படம் உருவாகி இருப்பதால் திருமணமான தம்பதிகளிடத்திலும், திருமணம் செய்து கொள்ளும் தம்பதிகளிடத்திலும், திருமணத்திற்காக காத்திருக்கும் தம்பதிகளிடத்திலும், மணமகன் – மணமகள் இடத்திலும் இப்படத்தைப் பற்றிய எதிர்பார்ப்பு ஏற்பட்டிருக்கிறது.
