ராகவா லாரன்ஸ் இயக்கி, நடித்து வரும் படம் காஞ்சனா 3. வேதிகா, ஓவியா, கோவை சரளா, கபீர் சிங், நெடுமுடிவேனு உள்பட பலர் நடிக்கிறார்கள். வெற்றி ஒளிப்பதிவு செய்கிறார். இதன் பாடல்கள் வெளியாகி உள்ளது.
பாடல் வெளியீட்டு விழாவை தயாரிப்பு நிறுவனம் பிரமாண்டமாக நடத்த முடிவு செய்திருந்தது. ஆனால் இந்த நேரத்தில் பிரமாண்டம் எதுவும் வேண்டாம் என்று மறுத்த லாரன்ஸ், பாடல் வெளியீட்டு விழாவுக்கு ஆகும் செலவை கணக்கிட்டு, அந்த தொகையில் திருநங்கைகளுக்கென்று நிலம் வாங்கி, அதில் அடுக்குமாடி வீடு கட்டித்தர முடிவு செய்திருக்கிறார்.
கைவிடப்பட்ட, ஆதரவற்ற திருநங்கைளுக்கு இந்த வீடுகள் வழங்கப்படும் என்றும், தெய்வ பிறவிகளான திருநங்கைகளின் ஆசீர்வாதம் இருந்தால் எல்லா காரியமும் வெற்றி அடையும் என்றும் அவர் தெரிவித்திருக்கிறார்.
