மலையாள சினிமாவின் மார்க்கண்டேயன் என்று சொல்லப்படும் அளவுக்கு தற்போதும் மாறாக இளமையுடன் கதாநாயகனாக நடித்து வரும் மம்முட்டி, சமீபத்தில் தனது 69-ஆவது பிறந்தநாளில் அடியெடுத்து வைத்துள்ளார். திரையுலக பிரபலங்களிடம் இருந்து அவருக்கு வாழ்த்துக்கள் குவிந்தாலும் அவர் தற்போது நடித்து வரும் மூன்று படங்களின் படக்குழுவினர்கள், அவருக்கு தங்களது சார்பாக விதவிதமான பிறந்தநாள் பரிசுகளை வழங்கி அசத்தியுள்ளனர்.
மம்முட்டி நடித்து வரும் வரலாற்று படமான மாமாங்கம் படக்குழுவினர் அவரது கதாபாத்திர போஸ்டர் ஒன்றை வெளியிட்டு, அவரை கவுரவப்படுத்தி உள்ளனர். அதேபோல ஷைலாக் என்கிற படக்குழுவினர் மம்முட்டி ஸ்டைலாக நிற்கும் புகைப்படம் ஒன்றை வெளியிட்டுள்ளனர். இதற்கு ஒருபடி மேலாக மம்முட்டி தற்போது நடித்து வரும் கானகந்தர்வன் படத்தின் இயக்குனர் ரமேஷ் பிஷரோடி, அந்த படத்தின் டீசரை மம்முட்டி பிறந்தநாளில் வெளியீட்டு அதை தனது பரிசாக மம்முட்டிக்கு வழங்கியுள்ளார்
