வெலிமட பகுதியில் அப்புத்தளை வீதியில் புதையல் தோண்டுவதற்கு முச்சக்கர வண்டி மற்றும் மோட்டார் சைக்கிளில் பயணித்த 8 பேர் கைது செய்யப்பட்டுள்ளார்கள். சந்தேக நபர்கள் நேற்று முன்தினம் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.
வெலிமட பொலிஸ் பிரிவுக்கு உட்பட்ட அப்புத்தளை வீதியின் 2 இலக்க கட்டை பகுதியில் வெலிமட பொலிஸாரால் மேற்கொள்ளப்பட்ட ரோந்து நடவடிக்கையின் போது முச்சக்கர வண்டி மற்றும் மோட்டார் சைக்கிள் சோதனை இடப்பட்டுள்ளது.
இதன்போது புதையல் தோண்டுவதற்காக அதில் பயணித்த 8 பேர் கைது செய்யப்பட்டுள்ளார்கள்.
கைது செய்யப்பட்டவர்கள் 21,31, 34, 35, 50, 51, 53 மற்றும் 72 வயதுடையவர்கள் எனவும் அவர்கள் பன்னிப்பிட்டிய, கோட்டை, கொட்டாவ, ஊரகஸ்மங்ஹந்திய, கொழும்பு-5, ஹோமாகம, வெயாங்கொடை, மற்றும் எதிமலை பிரதேசத்தை சேர்ந்தவர்கள் எனவும் தெரிவிக்கப்பட்டுள்ளது.
சந்தேக நபர்களிடமிருந்து ஸ்கேனர் இயந்திரம், மோட்டார் சைக்கிள் மற்றும் முச்சக்கர வண்டி ஒன்றும் கைப்பற்றப்பட்டுள்ளது.
சந்தேகநபர்கள் வெலிமட நீதவான் நீதிமன்றில் ஆஜர்ப்படுத்தப்பட்டுள்ளதோடு சம்பவம் தொடர்பில் வெலிமட பொலிஸார் மேலதிக விசாரணைகளை முன்னெடுத்துள்ளார்கள்.
