தமிழ் திரையுலகில் தனித்துவமான படைப்புகளுக்கு அங்கீகாரமும், இளம் திறமையாளர்களுக்கு அடையாளத்தையும் ஏற்படுத்தும் முன்னணி படைப்பாளிகளில் ஒருவரான பா. ரஞ்சித்தின் நீலம் புரொடக்ஷன்ஸ் தயாரிப்பில் உருவாகும் ‘கள்ளிப் பாலில் ஒரு டீ’ எனும் ஆந்தாலஜி திரைப்படம் எதிர்வரும் இருபதாம் திகதியன்று பட மாளிகை, தொலைக்காட்சி, டிஜிட்டல் தளம் என எதிலும் வெளியாகாமல் நேரிடையாக இணையதளத்தில் வெளியாகிறது.
இயக்குநர்கள் அபிஷா- சினேகா பெல்சின் -கனிஷ்கா சிதம்பரம்- சிவரஞ்சனி.. ஆகிய நால்வர் இணைந்து உருவாக்கி வரும் ‘கள்ளி பாலில் ஒரு டீ’ என்னும் ஆந்தாலஜி திரைப்படத்தில் முற்றிலும் புதுமுகங்கள் நடித்திருக்கிறார்கள்.
கிரண் மயில் மற்றும் விக்னேஸ்வரி ஆகியோர் இணைந்து ஒளிப்பதிவு செய்திருக்கும் இந்த திரைப்படத்திற்கு ரேவா இசையமைத்திருக்கிறார்.
சாதிய ஒடுக்கு முறைகளுக்கு உட்பட்ட கிராம பகுதிகளில் பல்வேறு வயதுள்ள பெண்கள் எதிர்கொள்ளும் சிக்கல்களை மையமாகக் கொண்ட இந்தத் திரைப்படத்தை பா. ரஞ்சித்தின் நீலம் புரொடக்ஷன்ஸ் தயாரித்திருக்கிறது. இப்படத்தின் ஃபர்ஸ்ட் லுக் வெளியிடப்பட்டு, அதனுடன் வெளியாகும் திகதியும் அறிவிக்கப்பட்டிருக்கிறது.
