நடிகராகவும், தயாரிப்பாளராகவும் திகழும் நடிகர் ஆர்யா கதையின் நாயகனாக முதன்மையான வேடத்தில் நடிக்கும் பெயரிடப்படாத படத்தின் தொடக்க விழா தமிழகத்தில் உள்ள ராமநாதபுரத்தில் சிறப்பாக நடைபெற்றது.
இயக்குநர் ஜியென் கிருஷ்ணகுமார் இயக்கத்தில் உருவாகும் பெயரிடப்படாத படத்தில் நடிகர் ஆர்யா கதாநாயகனாக நடிக்கிறார். இவருடன் நடிகை நிகிலா விமல் முக்கிய வேடத்தில் நடிப்பதாக தகவல்கள் வெளியாகி இருக்கிறது.
இந்த திரைப்படத்தில் நடிக்கும் நடிகர்கள், நடிகைகள் மற்றும் தொழில்நுட்பக் குழுவினர் பற்றிய விவரங்கள் விரைவில் அதிகாரப்பூர்வமாக வெளியிடப்படும் என எதிர்பார்க்கப்படுகிறது.
மேலும், இந்த திரைப்படத்தினை மினி ஸ்டுடியோஸ் எல் எல் பி எனும் நிறுவனம் சார்பில் தயாரிப்பாளர் வினோத்குமார் தயாரிக்கிறார்.
