‘தரமணி’ படத்தின் மூலம் தமிழ் ரசிகர்களுக்கு அறிமுகமாகி, சுப்பர் ஸ்டார் ரஜினிகாந்த் நடிப்பில் வெளியான ‘ஜெயிலர்’ படத்தின் மூலம் பிரபலமான நடிகர் வசந்த் ரவி கதையின் நாயகனாக நடித்திருக்கும் ‘இந்திரா’ எனும் திரைப்படத்தின் வெளியீட்டு திகதி அதிகாரப்பூர்வமாக அறிவிக்கப்பட்டுள்ளது.
இயக்குநர் சபரீஷ் நந்தா இயக்கத்தில் உருவாகியுள்ள ‘இந்திரா ‘எனும் திரைப்படத்தில் வசந்த் ரவி, சுனில் , மெஹ்ரீன் பிர்ஸாதா, அனிகா சுரேந்திரன், கல்யாண், ராஜ்குமார் உள்ளிட்ட பலர் நடித்திருக்கிறார்கள். பிரபு ராகவ் ஒளிப்பதிவு செய்திருக்கும் இந்த திரைப்படத்திற்கு அஜ்மல் தஹ்ஸீன் இசையமைத்திருக்கிறார். இந்த திரைப்படத்தை ஜே எஸ் எம் மூவி புரொடக்ஷன் மற்றும் எம்பரர் என்டர்டெயின்மென்ட் ஆகிய நிறுவனங்கள் சார்பில் தயாரிப்பாளர்கள் ஜாபர் சாதிக் மற்றும் இர்பான் மாலிக் ஆகியோர் இணைந்து தயாரித்திருக்கிறார்கள்.
இப்படத்தின் அனைத்து பணிகளும் நிறைவடைந்து வெளியீட்டிற்காக காத்திருந்த நிலையில்… இந்தத் திரைப்படம் எதிர்வரும் 22 ஆம் திகதியன்று உலகம் முழுவதும் படமாளிகையில் வெளியாகும் என படக் குழுவினர் உற்சாகமாக தெரிவித்துள்ளனர்.
இதனிடையே நடிகர் வசந்த் ரவி நடித்திருக்கும் திரைப்படம் என்பதால் இதற்கு ரசிகர்களிடத்திலும், திரையுலக வணிகர்களிடத்திலும் ஆதரவு உள்ளது என்பது குறிப்பிடத்தக்கது.
