‘ஜெயிலர்’ படப் புகழ் நடிகர் வசந்த் ரவி கதையின் நாயகனாக முதன்மையான கதாபாத்திரத்தில் நடித்திருக்கும் பெயரிடப்படாத திரைப்படத்தின் படப்பிடிப்பு நிறைவடைந்ததாக படக்குழுவினர் பிரத்யேக புகைப்படத்தை வெளியிட்டு அறிவித்திருக்கிறார்கள்.
அறிமுக இயக்குநர் சபரீஷ் நந்தா இயக்கத்தில் தயாராகி வரும் பெயரிடப்படாத திரைப்படத்தில் வசந்த் ரவி கதையின் நாயகனாக நடிக்கிறார். இவருடன் தெலுங்கு நடிகர் சுனில் வர்மா, கல்யாண் மாஸ்டர், நடிகைகள் மெஹரின் பிர்சாதா மற்றும் அனிகா சுரேந்திரன் உள்ளிட்ட பலர் நடித்திருக்கிறார்கள். பிரபு இ. ராகவ் ஒளிப்பதிவு செய்திருக்கும் இந்த திரைப்படத்திற்கு அஜ்மல் தஹ்சீன் இசையமைக்கிறார். எக்சன் திரில்லர் ஜேனரில் தயாராகி இருக்கும் இந்த திரைப்படத்தை ஜே எஸ் எம் பிக்சர்ஸ் மற்றும் எம்பரர் என்டர்டெயின்மென்ட் ஆகிய பட நிறுவனங்கள் சார்பில் தயாரிப்பாளர்கள் ஏ. ஆர். ஜாபர் சாதிக் மற்றும் இர்பான் மாலிக் ஆகியோர் இணைந்து தயாரித்திருக்கிறார்கள்.
இப்படத்தின் படப்பிடிப்பு முழுமையாக நிறைவடைந்திருப்பதாக பட குழுவினர் பிரத்யேகப் புகைப்படத்தை வெளியிட்டு அறிவித்திருக்கிறார்கள். விரைவில் படத்தின் டைட்டில் மற்றும் ஃபர்ஸ்ட் லுக் வெளியிடப்படும் என்றும் எதிர்பார்க்கப்படுகிறது.
வசந்த் ரவி நடித்திருக்கும் இந்த திரைப்படம் தமிழ் மற்றும் தெலுங்கு மொழியில் ஒரே தருணத்தில் வெளியாகிறது என படக் குழுவினர் தெரிவித்திருக்கிறார்கள்.
