மலையாள சினிமாவில் கடந்த இரண்டு வருடங்களாக முன்னணி ஹீரோவாக வெற்றிப்படிக்கட்டுகளில் ஏறி வருபவர் இளம் நடிகர் டொவினோ தாமஸ். மலையாளத்தில் மட்டுமின்றி தமிழிலும் கால் பதித்த இவர், சில மாதங்களுக்கு முன்பு வெளியான தனுஷின் மாரி-2 படத்தில் வில்லனாக நடித்திருந்தார். இந்த நிலையில் முதன்முதலாக தயாரிப்பாளராகவும் அடியெடுத்து வைத்துள்ளார் டொவினோ தாமஸ்.
இந்தப்படத்திற்கு கிலோமீட்டர்ஸ் அண்ட் கிலோமீட்டர்ஸ் என டைட்டில் வைக்கப்பட்டுள்ளது. ‘2 பெண் குட்டிகள்’ மற்றும் ‘குஞ்சு தெய்வம்’ படங்களை இயக்கிய ஜியோ பேபி இயக்குகிறார். இந்த படத்தின் கதை இதுவரை தான் கேள்விப்படாத ஒன்று என்பதை உணர்ந்த டொவினோ தாமஸ், இதை தானே தயாரிக்கும் முடிவுக்கு வந்தாராம்..
அப்படி தான் தயாரிக்கும் முதல் படத்தை மோகன்லால் தான் துவங்கி வைக்க வேண்டும் என நினைத்த டொவினோ தாமஸ், மோகன்லாலிடம் விஷயத்தை கூறி அதை சாதித்தும் உள்ளார். ஆம்.. இந்த படத்தின் டைட்டில் போஸ்டரை அறிமுகப்படுத்தி வெற்றிக்கான ஆரம்பத்தை துவக்கி வைத்துள்ளார் மோகன்லால்.