சிரஞ்சீவி, பிரபாஸ், ராம்சரண் தேஜா, மகேஷ் பாபு, ராணா டகுபதி, ஜூனியர் என்டிஆர், ராம் பொத்தனேனி என தெலுங்கின் முன்னணி நட்சத்திர நடிகர்கள் தமிழில் அறிமுகமாகி.. இன்று பான் இந்திய நட்சத்திரமாக உயர்ந்திருக்கிறார்கள்.
அந்த பட்டியலில் தற்போது ‘விருபாக்ஷா’ எனும் படத்தின் மூலம் சாய் தரம் தேஜ் எனும் நட்சத்திர நடிகர் அறிமுகமாகிறார். இவரது நடிப்பில் தயாரான ‘விருபாக்ஷா’ எனும் மிஸ்டரி திரில்லர் திரைப்படம் மே மாதம் ஐந்தாம் திகதியன்று தமிழில் வெளியாகிறது.
கார்த்திக் வர்மா இயக்கத்தில் தயாராகி இருக்கும் இந்த திரைப்படத்தில் சாய் தரம் தேஜ், சூர்யா எனும் கதாபாத்திரத்தில் நடித்திருக்கிறார்.
இவருக்கு ஜோடியாக நந்தினி என்ற கதாபாத்திரத்தில் சம்யுக்தா மேனன் நடித்திருக்கிறார். இவர்களுடன் சுனில், பிரம்மா ஜி, ரவி கிருஷ்ணா, அஜய் உள்ளிட்ட பலர் நடித்திருக்கிறார்கள்.
சம்ஹத் சாய்நூதீன் ஒளிப்பதிவு செய்திருக்கும் இந்த திரைப்படத்திற்கு அஜனீஸ் லோக்நாத் இசையமைத்திருக்கிறார். மிஸ்டரி திரில்லர் ஜேனரில் தயாராகி இருக்கும் இந்த திரைப்படத்தை ஸ்ரீ வெங்கடேஸ்வரா சினி சித்ரா எனும் பட நிறுவனம் சார்பில் தயாரிப்பாளர் பி வி எஸ் என் பிரசாத் தயாரித்திருக்கிறார்.
ஏப்ரல் 21ஆம் திகதியன்று தெலுங்கில் வெளியான இந்த திரைப்படம், வெளியான ஒரு வாரத்திற்குள் இந்திய மதிப்பில் 60 கோடி ரூபாய்க்கு மேல் வசூலித்து சாதனை படைத்திருக்கிறது.
இந்த திரைப்படத்தை ஸ்டுடியோ கிரீன் எனும் நிறுவனம் சார்பில் தயாரிப்பாளர் கே. ஈ. ஞானவேல்ராஜா தமிழில் வெளியிடுகிறார்.
