நடிகர் சூர்யா கதையின் நாயகனாக முதன்மையான கதாபாத்திரத்தில் நடித்திருக்கும் ‘ரெட்ரோ’ எனும் திரைப்படத்தில் இடம் பெற்ற ‘ கனிமா ‘ எனும் இரண்டாவது பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.
இயக்குநர் கார்த்திக் சுப்புராஜ் இயக்கத்தில் உருவாகியுள்ள ‘ ரெட்ரோ ‘ திரைப்படத்தில் சூர்யா, பூஜா ஹெக்டே, ஜோஜூ ஜோர்ஜ், ஜெயராம் , கருணாகரன் உள்ளிட்ட பலர் நடித்திருக்கிறார்கள். ஸ்ரேயாஸ் கிருஷ்ணா ஒளிப்பதிவு செய்திருக்கும் இந்த திரைப்படத்திற்கு சந்தோஷ் நாராயணன் இசையமைத்திருக்கிறார். ரொமான்டிக் வித் எக்சன் என்டர்டெய்னரான இந்த திரைப்படத்தை 2 டி எண்டர்டெயின்மென்ட் நிறுவனம் சார்பில் தயாரிப்பாளர்கள் சூர்யா மற்றும் ஜோதிகா ஆகியோர் இணைந்து தயாரித்திருக்கிறார்கள்.
எதிர்வரும் மே மாதம் முதல் திகதியன்று உலகம் முழுவதும் படமாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தில் இடம்பெற்ற ‘ காட்டுமல்லி..’ எனத் தொடங்கும் இரண்டாவது பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது. இந்தப் பாடலை பாடலாசிரியர் விவேக் எழுத , பின்னணி பாடகரும், இசையமைப்பாளருமான சந்தோஷ் நாராயணன் பாடியிருக்கிறார். துள்ளலிசை பாணியில் உருவாகி உள்ள இந்த பாடலுக்கு சந்தோஷ் நாராயணன், ஜோஜூ ஜோர்ஜ், சூர்யா, பூஜா ஹெக்டே, ஆகியோர் இணைந்து நடனமாடி இருக்கிறார்கள்.
இப்படத்தில் இடம்பெற்ற ‘கண்ணாடிப் பூவே’ எனும் முதல் பாடல் வெளியாகி 18 மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்தது. இந்நிலையில் இந்த ‘ கனிமா ‘எனும் இரண்டாவது பாடல் வெளியான குறுகிய கால அவகாசத்திற்குள் மூன்று மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது.
