கொழும்பு செட்டியார் தெரு தங்க சந்தையில் ஒரு பவுண் 22 கரட் தங்கத்தின் விலை இன்றைய தினம் ஒரு லட்சத்து 60 ஆயிரத்தில் இருந்து ஒரு லட்சத்து 55 ஆயிரம் ரூபா வரையான வீதத்தில் குறைந்துள்ளதாக செட்டியார் தெரு தங்க வர்த்தகர்கள் தெரிவித்துள்ளனர்.
இதனடிப்படையில் தங்கத்தின் விலையானது 15 ஆயிரம் ரூபா முதல் 20 ஆயிரம் ரூபா வரையான வீதத்தில் குறைந்துள்ளது.
இன்றைய தினம் ஒரு பவுண் 24 கரட் தங்கத்தின் விலையானது ஒரு லட்சத்து 80 ஆயிரம் ரூபாவில் இருந்து ஒரு லட்சத்து 70 ஆயிரம் ரூபா வரையான வீதத்தில் குறைந்துள்ளது என செட்டியார் தெரு தங்க வர்த்தகர்கள் தெரிவித்துள்ளனர்.
தங்கத்தின் விலையில் இன்று வீழ்ச்சி ஏற்பட்டிருந்த போதிலும் கொள்வனவு செய்ய தங்கம் இல்லாத நிலைமை இருப்பதாகவும் அவர்கள் கூறியுள்ளனர்.
செட்டியார் தெரு தங்க விற்பனை சந்தையில் கடந்த தினங்களில் ஒரு பவுண் 22 கரட் தங்கத்தின் விலை ஒரு லட்சத்து 75 ஆயிரம் ரூபா வரையும் ஒரு பவுண் 24 கரட் தங்கத்தின் விலை இரண்டு லட்சம் ரூபா வரையிலும் அதிகரித்து காணப்பட்டிருந்தமை குறிப்பிடத்தக்க விடயமாகும்.
