இத்தாலியில் சுட்டுக்கொல்லப்பட்ட பெர்லின் தாக்குதல்தாரி பேசிய வீடியோ ஒன்று வெளியாகி பரபரப்பை ஏற்படுத்தியுள்ளது.

ஜேர்மனி நாட்டின் பெர்லின் நகரில் இடம்பெற்ற தாக்குதலின் முக்கிய குற்றவாளியான துனிசியாவை சேர்ந்த Anis Amri இத்தாலியில் சுட்டுக்கொல்லப்பட்டார்.

இந்நிலையில், Anis Amri ஐ.எஸ் இயக்கத்தை சேர்ந்தவர் என்பதை உறுதியாக்கும் வகையில் அவர் பேசிய வீடியோ தற்போது வெளியாகியுள்ளது.

அதில் Anis Amri பேசுகையில், இது முஸ்லிம்கள் மீது தினமும் குண்டுத் தாக்குதல் நடத்தி வரும் அறப்போராளிகளுக்கான செய்தி. முஸ்லிம்கள் வடித்த இரத்தம் வீண் போக விடமாட்டோம்.

அவர்களுக்கு பின் ஒரு தேசமே உள்ளது கண்டிக்கபாக நாங்கள் பழிவாங்குவோம். ஐரோப்பாவில் முஸ்லிம் எதிராக போர் நடத்தி வருபவர்களை கொல்லும் படி எனது ஒவ்வொரு முஸ்லிம் நண்பர்களுக்கும் நான் அழைப்பு விடுக்கிறேன் என கூறியுள்ளார்.

எனினும், குறித்த வீடியோவில் Anis Amri பெரிலின் கிறிஸ்துமஸ் மார்க்கெட் தாக்குதலை குறிப்பிடவில்லை. மேலும், வீடியோ எப்போது படமாக்கப்பட்டது என அறியப்படவில்லை.