தொடுவாவ பொலிஸ் பிரிவுக்குட்பட்ட புத்தளம் – கொழும்பு பிரதான வீதியில் கொழும்பிலிருந்து புத்தளம் நோக்கி பயணித்த காருடன் அதே திசையில் பயணித்த துவிச்சக்கர வண்டி மோதியதில் துவிச்சக்கர வண்டியின் சாரதி உயிரிழந்துள்ளதாக தொடுவாவ பொலிஸார் தெரிவித்துள்ளனர்.
உயிரிழந்தவர் புத்தளம் – மகாவெவ பிரதேசத்தை சேர்ந்த 56 வயதுடையவராவார்.
குறித்த விபத்தில் காயமடைந்த துவிச்சக்கர வண்டியின் சாரதி மாரவில வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.
உயிரிழந்தவரின் சடலம் மாரவில வைத்தியசாலையில் வைக்கப்பட்டுள்ளதாக பொலிஸார் தெரிவித்துள்ளனர்.
இந்த சம்பவம் தொடர்பில் காரின் சாரதி பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை தொடுவாவ பொலிஸார் மேற்கொண்டு வருகின்றனர்.
