பிரபல நடிகை கஸ்தூரி ஈழத்திற்கு வருகை தந்துள்ளார்.
நாளை (ஜூலை 29ஆம் திகதி) தாவடி அம்பலவாணர் முருக ஆலயத்தில் புதிய மஞ்சம் ஓட்டத்தில் பிரபல தென்னிந்திய நடிகையும் நம்பிக்கை மிகு பேச்சாளருமான கஸ்தூரி கலந்துகொள்ளவே வருகை தந்துள்ளார்.
இதில் அனைத்து இலங்கை மக்களும் கலந்துகொண்டு புதிய மஞ்சம் திருவிழாவினை கண்டு எம்பெருமானின் அருளைப் பெறுமாறு உபயகாரர் சங்கரசிவம்பிள்ளை சிவபாக்கியம் குடும்பத்தினர் வேண்டுகோள் விடுத்துள்ளனர்.
தென்னிந்தியாவின் பிரபல நடிகையான கஸ்தூரி, தமிழ், மலையாளம், தெலுங்கு, கன்னட மொழிப் படங்களில் கதாநாயகி வேடத்தில் நடித்து பெருந்திரளான மக்கள் கூட்டத்தின் அபிமானத்தைப் பெற்றவர்.
சத்தியராஜ், விஜயகாந்த், செல்வா, ரமேஸ் அரவிந்த், பிரபு, வினித், ஜெயராம், சரத்குமார் போன்ற முன்னணி நட்சத்திரங்களுடன் இணைந்து நாயகியாக நடித்த கஸ்தூரி அமைதிப் படை படத்தில் சத்தியராஜ் உடன் நடித்து பெரும் புகழைப் பெற்றார்.
