‘உலக நாயகன்’ கமல்ஹாசன் நடிப்பில் தயாராகி வரும் ‘இந்தியன் 2’ எனும் திரைப்படத்தின் நடிகர்களின் பட்டியலில் நட்சத்திர வாரிசும், நடிகருமான காளிதாஸ் ஜெயராம் இணைந்திருக்கிறார்.
பிரம்மாண்ட இயக்குநர் ஷங்கர் இயக்கத்தில் தயாராகி வரும் திரைப்படம் ‘இந்தியன் 2’. பல தடைகளைக் கடந்து இப்படத்தின் படப்பிடிப்பு தற்போது தாய்லாந்து நாட்டில் நடைபெற்று வருகிறது. இதில் ‘ஒரு பக்க கதை’ எனும் படத்தின் மூலம் தமிழில் நடிகராக அறிமுகமான நட்சத்திர வாரிசு காளிதாஸ் ஜெயராம் லேட்டஸ்ட்டாக இணைந்திருக்கிறார். இது தொடர்பான பிரத்யேக புகைப்படத்தை காளிதாஸ் ஜெயராம் அவருடைய சமூக வலைதள பக்கத்தில் பதிவேற்றி தன் உற்சாகத்தையும், மகிழ்ச்சியையும் வெளிப்படுத்தி இருக்கிறார்.
லைக்கா புரொடக்ஷன்ஸ் சார்பில் பிரபல முன்னணி தயாரிப்பாளர் சுபாஷ்கரன் தயாரிப்பில் தயாராகி வரும் ‘இந்தியன் 2’ படத்தின் படப்பிடிப்பு இறுதி கட்டத்தை எட்டியிருப்பதாகவும், இப்படத்தின் படப்பிடிப்பு விரைவில் நிறைவடையும் என்றும் பட குழுவினர் தெரிவித்திருக்கிறார்கள்.
இதனிடையே இயக்குநர் ஷங்கர் ஒரே தருணத்தில் ‘இந்தியன் 2’ மற்றும் தெலுங்கின் முன்னணி நட்சத்திர நடிகரான ராம் சரண் தேஜா நடிக்கும் ‘கேம் சேஞ்சர்’ என இரண்டு திரைப்படங்களை இயக்கி வருகிறார் என்பது குறிப்பிடத்தக்கது.
