அமெரிக்காவின் நியூயோர்க் மாநிலத்தில் முதல் பெண் ஆளுநராக 57 வயதாகும் கேத்தி ஹோச்சுல் பதவியேற்றார்.
அமெரிக்காவில் கடந்த ஆண்டு நவம்பர் மாதம் 8ஆம் திகதி அந்த நாட்டு நாடாளுமன்றத்துக்கும், மாநில ஆளுநர்களுக்கும் தேர்தல் நடந்தது.
அந்த வகையில் நியூயோர்க் மாகாண ஆளுநர் பதவிக்கு ஆளும் ஜனநாயக கட்சி சார்பில் பெண் அரசியல் தலைவரான கேத்தி ஹோச்சுலும், குடியரசு கட்சி சார்பில் முன்னாள் ஜனாதிபதி ட்ரம்பின் ஆதரவாளரான லீ செல்டினும் போட்டியிட்டனர்.
இதில் கேத்தி ஹோச்சுல், லீ செல்டினை தோற்கடித்து, நியூயோர்க் மாகாணத்தின் 57ஆவது ஆளுநராக தேர்ந்தெடுக்கப்பட்டார்.
இதன் மூலம் நியூயோர்க் மாநிலத்தின் முதல் பெண் ஆளுநர் என்கிற பெருமையை பெற்றார்.
இந்த நிலையில் கேத்தி ஹோச்சுல் நேற்று நியூயோர்க் மாநில ஆளுநராக பதவியேற்றார். அப்போது அவர் மாநிலத்தின் பொது பாதுகாப்பை அதிகரித்தல் மற்றும் அத்தியாவசிய பொருட்களின் விலையை கட்டுப்பாட்டுக்குள் வைத்திருக்க முக்கியத்துவம் அளிக்கப்படும் என உறுதி கூறினார்.
