பொலனறுவை அரலகன்வில பகுதியில் கப் ரக வாகனமொன்று கால்வாயொன்றுக்குள் வீழ்ந்து விபத்திற்குள்ளாகியுள்ளது.
விபத்தையடுத்து கால்வாய்க்குள் இருந்து இதுவரை ஒருவரது சடலம் கண்டெடுக்கப்பட்டுள்ள நிலையில், தேடுதல் பணி தொடர்ந்து முன்னெடுக்கப்பட்டு வருவதாக தெரிவிக்கப்படுகிறது.
குறித்த வாகனத்தில் பயணித்தவர்களின் எண்ணிக்கை தொடர்பிலோ அல்லது விபத்திற்கான காரணம் தொடர்பிலோ இதுவரை எவ்வித தகவல்களும் வெளியாகவில்லை.
இந்நிலையில், குறித்த விபத்து தொடர்பான மேலதிக விசாரணைகளை அரலகன்வில பொலிஸார் முன்னெடுத்து வருவதாக பொலிஸ் பேச்சாளர் குறிப்பிட்டார்.
