மாளிகாவத்தை, அரலிய உயன பிரதேசத்தில் மர்மமான முறையில் உயிரிழந்த பிரித்தானிய பிரஜை ஒருவரின் சடலம் கண்டுபிடிக்கப்பட்டுள்ளது.
இன்றைய தினம் இந்த சடலம் கண்டுபிடிக்கப்பட்டுள்ளதாக தெரிவிக்கப்படுகின்றது.
அப்பகுதி மக்கள் பொலிஸாருக்கு அளித்த தகவலுக்கு அமைய குறித்த சடலம் மீட்கப்பட்டுள்ளதாக மாளிகாவத்தை பொலிஸார் தெரிவிக்கின்றனர்.
உயிரிழந்தவரின் மூக்கு மற்றும் காதில் இருந்து இரத்தம் வெளியேறியுள்ளதாக பொலிஸார் தெரிவித்துள்ளனர்.
எனினும், குறித்த நபர் உயிரிழந்தமைக்கான காரணம் இதுவரையில் கண்டறியப்படவில்லை எனவும் பொலிஸார் தெரிவித்துள்ளனர்.
சம்பவம் தொடர்பில் பொலிஸார் விசாரணைகளை முன்னெடுத்து வருகின்றனர்.
