யாழ்ப்பாணம் – தாவடிச் சந்தியில் இன்று மதியம் ஏற்பட்ட விபத்தில், இளம் பெண் ஒருவர் படுகாயமடைந்துள்ளார்.யாழ்ப்பாணம்-காங்கேசன்துறை சாலையில், யாழ்நகர் நோக்கி சிறிய கன்டர் ரக வாகனம் சென்றுகொண்டிருந்தபோது அதன் பின்னால் உந்துருளியில் வந்த பெண், போக்குவரத்து விதிகளை மீறி இடது பக்கமாக கடக்க முற்பட்டுள்ளார்.
இதனால் குறித்த கன்டர் வாகனத்துடன் மோதுண்டு விபத்துக்குள்ளானார்.விபத்துக்குள்ளானதில் பெண்ணின் தாடைப்பகுதியில் படு காயம் ஏற்பட்டுள்ளதுடன், அவரது உந்துருளியும் கடும் சேதத்திற்குள்ளாகியது.
படுகாயமடைந்த நிலையில் சிகிச்சைக்காக யாழ்.போதனா வைத்தியசாலையில் அனுமதிக்கப்பட்டுள்ளார்.
இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்
