சுவிட்சர்லாந்தில் நடைபெறும் உள்ளரங்க டென்னிஸ் போட்டியில் அமெரிக்க வீரர் பிரான்சிஸ் தியாஃபோவை நட்சத்திர வீரர் ரோஜர் பெடரர் 6-1, 6-3 என்ற நேர் செட்களில் 61 நிமிட ஆட்டத்தில் வீழ்த்தினார்.
கடந்த ஆகஸ்டில் ஃபிளஷிங் மெடோஸில் பெடரரை 5 செட்கள் வரை இழுத்த தியாஃபோ இம்முறை பெடரரின் சொந்த மண்ணில் ஒன்றும் செய்ய முடியவில்லை.
தியாஃபோ சர்வ்களை முறியடித்த பெடரர், தன் சர்வை அவர் முறியடிக்க வாய்ப்புகள் எதையும் வழங்கவில்லை. ஆனால் தியாஃபோ சில கடினமான தருணங்களை ரேலியில் பெடரருக்குக் கொடுத்தார். சர்வ்களை பெடரரின் உடலை நோக்கி அடித்து அவரை சிரமத்துக்குள்ளாக்கினார் தியாஃபோ.
இரண்டாவது சுற்றில் பெனாய்ட் பெய்ரேவைச் சந்திக்கிறார் பெடரர்.
