வவுனியாவில் கடனை திரும்ப கேட்டவர் கத்திக்குத்திற்கு இலக்காகி பலி!

வவுனியா குடியிருப்பு பூங்கா வீதியில் இடம்பெற்;ற கத்திக்குத்தில் ஓருவர் சம்பவ இடத்திலேயே பலியாகியுள்ளார்.
20 இரவு 9.30 மணியளவில் இந்த சம்கவம் இடம்பெற்றுள்ளது.இதில் வவுனியா வாரிக்குட்டியூரை சேர்ந்த கனகராசா (வயது-56) என்ற குடும்பஸ்தரே உயிரிழந்துள்ளர்.
இச் சம்பவம் பற்றி மேலும் தெரியவருவதாவது,
வாரிக்குட்டியூரை சேர்ந்த கனகராசா குடியிருப்பு பூங்கா வீதியில் அமைந்துள்ள கடையொன்றில் பணிபுரியும் வர்த்தகருக்கு கொடுத்த பணத்தினை மீள்ப்பெற சென்றுள்ளார்.அச்சமயத்தில் குறித்த இருவருக்குமிடையே வாய்த்தர்க்கம் இடம்பெற்றுள்ளது.
வாய்த்தர்க்கம் மோதலாக மாறி கத்திக்குத்தில் முடிவடைந்தது.
இதன் போது பணத்தினை மீளப்பெறச் சென்ற கனகராசா சம்பவ இடத்திலிலேயே உயிரிழந்துள்ளார்.
இச் சம்பவத்துடன் தொடர்புடைய சந்தேக நபர் ஒருவரை வவுனியா பொலிஸார் கைது செய்துள்ளதுடன் மேலதிக விசாரணைகளை மேற்கொண்டு வருகின்றனர்.